Хэтэрхий олон хүн
Хэсэг бутархай нь би
Нуруу нуруу нийлсэн
Нүүгэлтсэн урт цувааг
Автобусны арын суудлаас
Анхааралтай харж суув.
Таньдаг нэг царай
Цаашаа эргэж урвайна
Таарсан ч мэндгүй зөрдөг атал
Цааргалж дандаа ярвайна.
Нэг зогсоол саатаж
Нөгөө өртөө рүү хөдөлнө
Нэг л урт төмрөөс
Нэг нэг гар зуурна
Дараагийн зогсоол дөхсөөр
Дуу намдан зогсоно
Даанч олон хүн шахалдаж
Дугуйн тушаа шаваарна.
Ахиад цааш хөдөлнө
Эцсийн зогсоол хүртэл
Ахиж улам давхисаар
Эцэст нь тулаад очно.
Дугуйнд бөөгнөсөн түмэн
Хаалганд тэгнэлдэн шавна.
Түрүүн давчидаж байсан автобус
Хаалгаа чихруулан нээж
Түүнээс асгарсан хүмүүс
Харих замдаа гэлдэрцгээнэ.
Автобус одоо хоосон